2024ko maiatzean, Euskadi mugarri izan zen turismo inklusiboan: Europan egin zen lehen LGBT+ Travel Symposiuma. Basquetourrek OutThere Magazine-rekin batera eta Queer Destinations-en babesarekin antolatutako nazioarteko ekitaldi honek Euskadi helmuga ireki, abegitsu eta seguru gisa kokatu zuen LGTBIQ+ kolektiboarentzat.
Hiru egunez, Euskadi nazioarteko ekitaldi horren anfitrioia izan zen. Ekitaldi horretan, 35 erosle, influencer, eduki-sortzaile eta turismo-hornitzaile baino gehiago bildu ziren, turismo-industria inklusiboago eta dibertsitatearen adierazgarriago baterantz aurrera egiteko. Jarduera-agenda trinko baten inguruan egituratuta, prestakuntza-saioak, mahai-inguruak, networking-ekitaldiak, Euskadiko kultura-, natura- eta gastronomia-eskaintza sakon ezagutzeko hainbat fam trip eta gizarte-ekitaldiak egin ziren.
Bizi izandako esperientziek agerian utzi zuten posible dela inklusioa, benetakotasuna eta garapen ekonomikoa uztartzea proposamen turistiko lehiakor batean. Logistika eta antolaketa mailako erronka horri profesionaltasunez eta sentsibilitatez egin zion aurre Lamarkak, bertaratutakoen artean arrastoa utziz eta Euskadi turismo anitzaren erreferente gisa sendotuz.
